​Өмнөд Солонгос татвар төлөлтийн хялбар байдлын рейтингт 21 дүгээрт оров

Дэлхийн 190 орны татвар төлөх тогтолцооны хялбар байдлыг судалж үнэлдэг "Paying Taxes 2020" жагсаалтад Өмнөд Солонгос 21 дүгээр байранд орсон тухай "Yonhap News" мэдээлсэн байна. Ингэснээр Өмнөд Солонгос нь жилийн дотор гурван байрлал ахисан хэрэг аж. Өмнөд Солонгос нь нэмүү өртгийн татвар ба компанийн татварын тайлан тэнцлийн шалгахад зарцуулдаг хугацааг багасгаж чадсаны ачаар ийнхүү тус рейтингт илүү өндөр байр эзлэх болсон гэж байна. Энэ улсын татварын ачаалал 33,2 хувь байгаа нь дундаж үзүүлэлтээс 7,3 хувиар доогуур байгаа хэрэг. Мөн Өмнөд Солонгосын бизнес эрхлэгчид тайлан тэнцэл гаргахад жилдээ 174 цаг зарцуулдаг аж.

"Paying Taxes 2020" жагсаалтын эхний аравт Бахрейн, Хонконг, Катар, Ирланд, Маврик, Кувейт, Сингапур, Дани, ШинэЗеланд, Финлянд гэсэн орнууд орсон бол Монгол 81 дүгээрт орсон байна.