Глобаль удирдагч дээд сургууль залилангийн хэргээр шалгагдаж байна

Анагаахын шинжлэх ухааны үндэсний их сургууль гэгддэг Глобаль удирдагч дээд сургууль залилангийн хэргээр шалгагдаж байна. Тодруулбал, эмзүйн чиглэлээр сургалт явуулах тусгай зөвшөөрөлгүй хэр нь 2018-2019 оны хичээлийн жилд эмзүйн чиглэлээр 30 оюутан бүртгэн, төлбөрийг нь авчээ. Ингээд "хичээлийг нь цахим хэлбэрээр явуулна" хэмээн нийт 15 төрлийн хичээлийг онлайнаар заажээ. Ингэхдээ оюутан тус бүрт "Оюутны сурлагын дэвтэр" нээж, гурван хичээлийн жилээр хөтлөн, бүгдэд нь нэг ижил үнэлгээ бичсэн байна. Ингээд тухайн 30 оюутнаа 2019 оны аравдугаар сард "Оюутан шилжүүлэх тухай" гэх захирлын тушаал гарган, Энэрэл дээд сургууль руу шилжүүлжээ. Ийнхүү 30 иргэнийг залилан мэхэлсэн, хуурамч бичиг баримт үйлдсэн асуудлаар Глобаль удирдагч дээд сургуулийн удирдлагууд Эрүүгийн хэргээр цагдаагийн байгууллагад шалгагдаж байна.