Хятадын ГХЯ Америкийн Төрийн нарийн бичгийн даргыг яншаа эмгэнтэй зүйрлэв

БНХАУ-ын ГХЯ-ны төлөөлөгч Хуа Чуньин нь Бээжинд сэтгүүлчдэд мэдээлэл хийх үеэрээ АНУ-ын Төрийн нарийн бичгийн дарга Майк Помпеог Хятадын зохиолч ЛуСиний туужид гардаг яншаа эмгэнтэй зүйрлэжээ.

Хуа Чуиьи нь "Жаргалыг хүссэн залбирал" тууж дээр гардаг СяньЛинь гэдэг эмгэн үргэлж л нэг юмаа яншиж байдаг ч бусдад гэм хоргүй хүн бол Америкийн Төрийн департаментын тэргүүн нь байнга хорон муу үр дагавартай худал үг байнга үглэж байдаг гэсэн байна. Мөн "ZTE"ба"Huawei" компаниудын талаарх Помпеогийн байнга ярьж байгаа сөрөг мэдэгдлүүд нь ямар ч нотолгоогүй төдийгүй "Huawei" компанийн тоног төхөөрөмжийг аюугүй гэдгийг хүлээн зөвшөөрсөн улс орнуудын тоо улам бүр өсөн нэмэгдэж байна гэжээ.

"Huawei" компани ч нэр хүндээ сэргээхийн тулд зарим шийдвэртэй алхам хийж эхэлсэн байна. Тухайлбал, төрөөс дэмжлэг авч байгаа компаниудыг Хятадад үйлдвэрлэсэн тоног төхөөрөмж худалдан авахыг хориглох тухай АНУ-ын Харилцааны холбооны комиссын (FCC) гаргасан шийдвэрийг Америкийн шүүхэд давж заалдахаар шийджээ.