ҮХЦ-ийн гишүүн Г.Баясгалангийн хүү БНХАУ-д хар тамхины хэрэгт холбогдсон нь Прокурорын байгууллагад иржээ

ҮХЦ-ийн гишүүн Г.Баясгаланг ХЗДХЯ-ны Төрийн нарийн бичгийн даргаар ажиллаж байхад түүний хүү хар тамхины хэрэгт холбогдож, ялтан солилцоогоор ирсэн ч аавынхаа албан тушаалыг ашиглан ял шийтгэлгүй өнгөрсөн байж болзошгүйг бид өмнө мэдээлж байсан билээ. Тэгвэл манай улсын Прокурор болон тагнуулын байгууллагад энэ талаар албан ёсны мэдээлэл ирсэн бөгөөд ҮХЦ-ийн гишүүн Г.Баясгалангийн хүү саатуулагдсан нь үнэн гэдгийг эх сурвалжууд мэдээлжээ. Манай сэтгүүлч өмнө нь энэ асуудлаар Г.Баясгалангаас өөрөөс нь тодруулж байсан юм.

Монгол улсаар дамжуулан БНХАУ руу хар тамхи зөөлгөдөг хүмүүсийн “Ачаа хүнд дамжуулж өгөөч" гэсэн хүсэлтээр цүнхтэй зүйлийг нь авч явсан аж. Цагдаагийн байгууллагынхан “бараа" зөөлгөдөг зохион байгуулалттай бүлэглэлийн толгойлогч Хулан, Халиунаа нэртэй хүнийг Монголд саатуулаад буй бөгөөд тэдний золиосонд олон хүн хамрагдсаны нэг нь Г.Баясгалан даргын хүү гэдгийг эх сурвалжууд мэдээллэдэг билээ.