Индонезид сайдын туслахуудыг хиймэл оюун ухаанаар орлуулна

Индонезийн Ерөнхийлөгч ЖокоВидодо нь яамны сайдын зарим төрлийн туслахуудын ажлыг татан буулгаж, тэдгээр албан тушаалтнуудын гүйцэтгэдэг байсан ажлыг хиймэл оюун ухаанд хариуцуулах шийдвэр гаргасан тухай "The Jakarta Post" сонин мэдээлж байна.

Индонезийн Төрийн тэргүүн "Би сайдуудад хандан гурав ба дөрөвдүгээр дэсийн ажилтнуудын хиймэл оюун ухааны технологиор орлуул гэж тушаал буулгасан. Хиймэл оюун ухааны технологи нь бичиг цаастай холбоотой ажлыг илүү хурдан гүйцэтгэх болно" гэжээ.

Индонезийн Эдийн засгийн асуудал хариуцсан зохицуулагч сайд АриланггаХартарто нь энэ талаар ярихдаа гурав, дөрөвдүгээр дэсийн албан тушаалтнууд буюу сайдын туслахуудын түвшний хүмүүсийг улсаас лиценз олгох ажил дээр хиймэл оюун ухаанаар орлуулах болсон гээд "Хиймэл оюун ухаан нь эрсдэлийн үнэлгээний автомат систем дээр суурилаад лиценз, зөвшөөрлийг шууд бүрдүүлж өгөхөд тусалдаг болно" гэсэн байна.