Конгод зэвсэгт дээрэмчид Эбола вирусийн эсрэг хоёр лабораторийг устгажээ

Бүгд найрамдах Конго улсад "Май -Май" бүлэглэлийн зэвсэгт дээрэмчид Эболавирусын эсрэг үйл ажиллагаа явуулдаг хоёр төвийн устган хоёр ажилтны амийг хөнөөж, гурван ажилтныг хүн шархдуулсан тухай "Reuters" агентлаг мэдээлж байна. КонгогийнЭбола вирустэй тэмцэх үндэсний албаны тэргүүн Жан-ЖакМуембе нь энэ талаар "Бидэнд байгаа мэдээгээр Май-Май бүлэглэлийнхэн дайралт явуулсан байна. Энэ бол Эболавирусын үүсгэдэг өвчний эсрэг явуулж байгаа бидний тэмцэлд ноцтой хохирол учруулсан хэрэг" гэжээ.

Конго улсын зэвсэгт хүчин аравдугаар сарын сүүлээс дээрмийн бүлэглэлүүдийг илрүүлэн устгах ажиллагаа явуулж байгаа юм. "Ардчилсан хүчнүүдийн эвсэл", орон нутгийн өөрийгөө хамгаалах хүч гэгддэг "Май-Май" бүлэглэлийн эсрэг энэхүү ажиллагааг Уганда ба Руанда улсуудтай хил алгадаг Хойд Киву мужид болж байгаа аж. Алан хядах үйл ажиллагаа явуулдаг бүлэглэлүүд армийн урагшлах хөдөлгөөнд аль болох саад учруулах үүднээс ажиллагаа явагдаж байгаа бүс нутагт удаа дараалан алан хядах ажиллагаа, дайралт хийх амаар эмх замбараагүй байдал бий болгохыг хичээж байгаа нь энэ аж.

Сүүлийн өдрүүдэд байдал эрс хурцадсантай холбоотойгоор Дэлхийн эрүүл мэндийн байгууллага ба НҮБ-ын Хүүхдийн сан тус бүс нутагт үйл ажиллагаа явуулж байгаа ажилтнуудаа аюулгүй газар руу нүүлгэж эхэлсэн байна. Ингэснээр Конгогийн энэ хэсэгт Эбола вирусийн эсрэг вакцинжуулах ажиллагаа улам хумигдаж байгаа аж.

Эбола вирусээр үүсгэсэн өвчин нь яаралтай эмчилгээ хийлгээгүй тохиолдолд 6-15 хоногийн дотор дотуур цус алдалт, гүйлгэлт үүсгэн үхэлд хүргэдэг аюултай. Өвчилсөн хүмүүсийн 50-90 хувь нь нас бардаг. Вакцинжуулалтад хамрагдсан тохиолдолд аюулт өвчнөөс сэргийлэх боломжтой болдог.