​Америкийн зэвсгийн компаниуд ''Оросын аюул''-аар далимдуулан баяжиж байна

АНУ нь оросууд сүрдүүлэн НАТО-ийн гишүүн орнуудыг батлан хамгаалах төсвөө ДНБ-ий 2 хувь болгон өсгөх, шинэ зэвсэглэл эрчимтэй худалдан авахыг уриалж байгаа нь нууц биш. Тэгвэл Германы "Die Welt" сонин "AlixPartners" консалтингийн компанийн явуулсан судалгааны мэдээллийг иш татан энэ бүхний үр дүнд Европын бус Америкийн цэргийн аж үйлдвэрлэлийн компаниудыг ашиг нэмэгдэж байгаа тухай мэдээлжээ.

"AlixPartners"-ын судалгаанаас үзвэл НАТО-ийн гишүүн Европын 26 орны долоо нь батлан хамгаалах төсвөө ДНБ-ий 2 хувь болгож өсгөсөн бөгөөд үүний үр дүнд Европын орнуудын батлан хамгаалах нийт төсөв 256 тэрбум евро болж нэмэгдсэн юм байна. Улмаар НАТО-ийн гишүүн орнууд шинэ техник олноор худалдан авч байгаа ч Европын зэвсэг үйлдвэрлэгчид нь борлуулалтаараа АНУ дахь өрсөлдөгчдөө яагаад ч гүйцэж чадахгүй байгааг "Die Welt" онцолжээ.

Шалтгаан нь Европын орнуудын зэвсэглэлийн стандарт гэж үзсэн байна. Жишээлбэл, Европын армиудад 37 төрлийн танк, хуягт техник ашигладаг бол АНУ-д ердөө гурван төрөл л байдаг. Тэнгисийн цэрэгт Европ нь 29 төрлийн эсминец ба фрегат ангиллын усан онгоц ашигладаг бол Америкт ердөө дөрвөн төрөл байдаг аж. Ийм олон төрөл янз байгаагаас болоод Европын зэвсэглэл иүү өндөр үнэтэй болдог, өндөр үнээ дагаад өрсөлдөх чадвар нь бага байдаг аж. Үүнээс болоод батлан хамгаалах төсвөө нэмсэн улс орнууд нь шинэ техник авах болохоор арай хямд Америкийн бүтээгдэхүүнийг сонгож байгаа юм байна.

Хамгийн сүүлд гэхэд Литва улс нь Америкийн "Oshkosh Defence" компаниас 200 ширхэг хуягласан "JLTV" жийп машиныг 145 сая еврогоор худалдан авах гэрээ байгуулсан байна.