​Энэтхэгийн цагдаа нар алан хядах ажиллагаа бэлдэж байсан бүлэглэлийг илрүүлжээ

Энэтхэгийн цагдаа нар Дели хотноо алан хядах ажиллагаа явуулахаар бэлдэж байсан нууц бүлэглэлийг илрүүлсэн баривчилсан тухай Энэтхэгийн "Патрика" сайт мэдээлсэн байна. Цагдаагийн газраас энэ талаар гаргасан мэдэгдэлдээ "Дели хотын цагдаагийн тусгай баг нь Ассам хот дахь зах дээр туршилтын дэлбэрэлт хийсний дараа Энэтхэгийн нийслэлийн хүн олноор цуглардаг газруудад цуврал дэлбэрэлт явуулахаар зэхэж байсан гурван алан хядагчийг баривчиллаа" гэжээ. Баривчлагдсан этгээдүүдээс гар хийцийн тэсрэх төхөөрөмж, их хэмжээний тэсрэх бодис болон бусад хориотой зүйлсийг хураан авсан байна. Цагдаа нар эдгээр хүмүүсийг "Лалын улс" алан хядах бүлэглэлтэй холбоотой байж болзошгүй гэж сэжиглэж байгаа аж.