БНХАУ-аас Япон, Өмнөд Солонгост хатуу анхааруулжээ

Хятадын албаны хүмүүс Өмнөд Солонгос ба Японы талд хандан ноцтой анхааруулга өгсөн тухай мэдээллийг Японы мэдээллийн хэрэгслүүд олж авсан байна. Тухайлбал, "The Asahi Shimbun" сонины бичиж байгаагаар БНХАУ нь хоёр улсыг нутаг дээрээ Америкийн дунд ба ойрын зайн тусгалтай пуужин байршуулсан тохиолдолд хоорондын харилцаа эрс муудах нь гарцаагүй гэж сануулсан аж. 2019 оны наймдугаар сард Бээжинд болсон гурван улсын Гадаад хэргийн сайд нарын зөвлөгөөний үеэр хамгийн анх шууд анхааруулсан гэдгийг Япон ба АНУ-ын Засгийн газрууд дахь эх сурвалжууд нотолсон гэж байна.

2019 оны аравдугаар сард БНХАУ-ын зүгээс Америкийг Япон ба Өмнөд Солонгосын нутаг дээр дундын зайн тусгалтай пуужин байршуулж магадгүйд сэтгэл түгшиж байгаагаа дахин илэрхийлсэн байна.

Гэхдээ "The Asahi Shimbun" сонины эх сурвалжууд нь АНУ-ын энэ асуудлаар аль болох ойрын хугацаанд өөрт ашигтай шийдвэр гаргуулахаар хүчин чармайлд гаргана гэж мэдээлсэн байна. Иймд Японы ба АНУ-ын батлан хамгаалах ба гадаад харилцааны салбарыг хариуцсан албаны хүмүүс Америкийн дунд ба ойрын тусгалтай пуужин байршуулсан асуудлыг хэлэлцэхээр 2019 оны арванхоёрдугаар сард уулзаж ярилцахаар төлөвлөж байгаа аж. Мөн энэ үеэр Вашингтон н Өмнөд Солонгосын албаны хүмүүстэй яг энэ асуудлаар уулзалт яриа хийх юм байна.