​Үндсэн хуулийн цэцийн дарга Д.Одбаяр онгоцны хоолойгоос шууд автомашиндаа суужээ

Өнгөрсөн шөнө "Сөүлээс-Улаанбаатар" чиглэлийн МИАТ-ийн нэмэлт нислэгээр ҮХЦ-ийн дарга Д.Одбаяр цэцийн гишүүн Г.Баясгалан, Г.Туулхүү нарын хамт иржээ. "Чингис хаан" ОУ-ын нисэх буудал дээр түүнийг хэвлэлийн болоод өндөгтэй иргэний нийгмийн байгууллагын залуучууд хүлээж байсан учир тэрбээр зугтахаар шийджээ. Онгоц ирэхээс өмнө өөрийн автомашинаа нисэх буудлын талбай руу оруулж онгоцны хоолойгоос шууд автомашиндаа сууж явжээ. Харин түүнтэй хамт ирсэн Цэцийн гишүүд нисэх буудлаас гарч ирж буй нь бидний дуранд өртсөн билээ.