СЭРЭМЖЛҮҮЛЭГ: Төрсөн охиноо удаа дараа хүчинддэг байсан этгээдийг баривчилжээ

Сүүлийн үед олныг сэртхийлгэсэн, айдас төрүүлсэн хэрэг их гарах болсон. Ялангуяа охид, бүсгүйчүүд ойр дотны хүнийхээ бэлгийн дарамтад өртөх нь эрс нэмэгдсэнийг хуулийн байгууллагаад анхааруулсаар байгаа. Бэлгийн хүчирхийлэлд өрстөн эмэгтэйчүүдийн 80 орчим хувь нь тэдний итгэлийг олсон ойр дотных нь хүн байдаг гэх судалгаа бий.

Тэгвэл төрсөн охиноо удаа дараа хүчиндсэн жигшүүрт хэрэг дахин бүртгэгджээ. Хэргийг тодруулбал, арваннэгдүгээр сарын 12-ний өдөр 23:34 цагт Сүхбаатар аймгийн Эрдэнцагаан сумын нутагт оршин суух 39 настай, эрэгтэй А нь өөрийн төрсөн охиноо хүчиндсэн жигшүүрт хэрэг үйлджээ. Гэмт этгээд өөрийн төрсөн охин болон 14 настай А-г гэрт нь хүнгүй үеийг далимдуулан удаа дараа хүчирхийлдэг байсан нь урьдчилсан байдлаар тогтоогджээ.