Парламентын ардчиллыг бэхжүүлсэн, дордохын долоон өөрчлөлтийг зассан, үндсэн хуулийн төслийг баталлаа

УИХ-ын чуулганы хуралдаанаар Үндсэн хуульд оруулах нэмэлт, өөрчлөлтийн төслийн гуравдугаар хэлэлцүүлгийг хийж, эцэслэн батлах гэж байгаа билээ.

Чуулганы нэгдсэн хуралдаанаар УИХ-ын гишүүн Д.Лүндээжанцан нарын 62 гишүүний 2019 оны зургадугаар сарын 06-ны өдөр өргөн мэдүүлсэн Монгол Улсын Үндсэн хуульд оруулах нэмэлт, өөрчлөлтийн төслийн гурав дахь хэлэлцүүлгийг хийж байна. Тэгвэл хуралдаанаар зарчмын зөрүүтэй саналуудыг хэлэлцэж, санал хурааж, баталлаа. Ихэнх зарчмын зөрүүтэй саналуудыг дэмжсэн. Харин АН-ын өгсөн гурван саналын хоёрыг нь эрх баригчид унагалаа. Тэр дундаа сонгуулийг холимог системээр явуулдаг байхыг Үндсэн хуульд оруулах гэсэн саналыг унагасан юм. Үүний дараа чуулган түр завсарлаж, эхлээд байна. Одоо Үндсэн хуулийн төслийг бүхлээр нь хэлэлцэж, санал хурааж, батална.