​Холимог тогтолцоог унагалаа

Уих-ын чуулганаар үндсэн хуулийн нэмэлт өөрчлөлтийн гуравдугаар хэлэлцүүлгийг өнөөдөр хийж байна. 2024 оноос сонгуулийн тогтолцоог холимог системээр явуулахаар өчигдөр Уих-ын төрийн байгуулалтын Байнгын хороогоор дэмжсэн юм. Тэгвэл энэхүү дэмжигдсэн заалт өнөөдөр чуулганы танхимд уналаа. Сонгуулийн холимог тогтолцоог дэмж, дэмжихгүй бол хариуцлага тооцно хэмээн Уих дахь МАН-ын бүлэг гишүүндээ хайрцагласан гэх мэдээлэл бий. Ямартаа ч АН, МАН-ын нэр бүхий гишүүн "холимог" тогтолцоог унагаж, хуучин хэвээр сонгуулиа явуулахаар болж байна. Өөрөөр хэлбэл намын жагсаалтаар гишүүн болохгүй гэсэн үг юм.