​Хар зах дээрээс 1 фунтээр авсан ваарыг 380 мянган фунтээр заржээ

Их Британийн оршин суугч хар зах дээрээс 1 фунтээр худалдан авсан хятад ваарыг дуудлага худалдаагаар оруулан 380 мянган фунтээр зарсан тухай "Daily Mail" мэдээлсэн байна. Нэрээ нууцлахыг хүссэн хүн тус сонинд ярихдаа хар зах дээрээс үзэмжтэй харагдсан нэг ваарыг цэвэр сонирхлын журмаар 1 фунтээр худалдан авсан гэжээ. Хэсэг хугацааны дараа гэрт дэмий зай эзлэн байлгаж байхаар гээд "eBay" дээр худалдахаар байршуулжээ. Ваарын бодит үнийг мэдэхгүй тул анхандаа их хямд үнээр зарах зар тавьсан байж. Гэтэл худалдан зар байршуулсан даруйд маш олон хүн холбогдож ваарыг санал болгосноос нь хавьгүй өндөр үнээр авахыг санал болгож эхэлсэнд ч ихэд гайхаад судалж үзэхээр шийдсэн байна. Ингээд "eBay" дээрх зараах устгаад "Sworders Fine Art Auctioneers" дуудлага худалдааны компанийн үнэлэгч дээр ваараа авч очин үнэлүүлжээ. Гэтэл мэргэжилтнүүд ваарыг нь 1735-1769 онд Манж Чин гүрний төр барьж байсан Тэнгэр тэтгэгч хааны үед хийгдсэн, эртний эд гэдгийг хэлж өгчээ. Улмаар ваарыг нь эртний эдлэлийн дуудлага худалдаанд оруулжээ. Үнэлэгчид ваарыг 80 мянган фунтээр үнэлсэн ч Хятадын худалдан авагч үүнээс бараг тав дахин илүү үнэ хэлж ваарыг худалдан авсан байна. Харин азтай эр олсон мөнгөө охиныхоо ирээдүйг санаа зовох юмгүй болгоход зориулахаар шийдсэн гэж "Daily Mail" сонинд ярьжээ.