​F-35 сөнөөгч бөмбөгдөгч онгоцыг худалдан авахад 406 тэрбум доллар зарцуулна

Тав дахь үеийн F-35 сөнөөгч бөмбөгдөгч онгоцыг үйлдвэрлэх, сайжруулах ба хамтрагч орнуудад нийлүүлэх хөтөлбөрийн хэрэгжилтийн талаарх АНУ-ын Конгресст болсон сонсголын үеэр Төлөөлөгчдийн танхимын зэвсэг хүчний хэрэг хариуцсан хорооны гишүүн Жон Гараменди нь энэхүү онгоцыг боловсруулахад оролцсон хамтрагч орнууд нь худалдан авахад нийт 406 тэрбум доллар зарцуулах, 60 жилийн турш ашиглах явцад 1 их наяд доллар зарцуулахаар байгааг мэдээлжээ. Тэрээр "Энэхүү хөтөлбөр нь хэрэгжээд бараг хорин жил өнгөрсний дараа онгоцнууд бодит нөхцөлд туршигдан шалгагдаж эхэлсэн. Онгоцнууд АНУ-ын Цэргийн нисэх хүч, Тэнгисийн цэргийн хүч, Тэнгисийн явган цэргийн корпусын байлдааны даалгавар гүйцэтгэх ажиллагаанд оролцсон. Манай олон улсын хамтрагчдад 450 ширхэг онгоц шилжүүлэн өгсөн. 2023 он гэхэд энэ онгоцны тоо 1100 хүрэх бөгөөд 43 байршилд байрлах болно" гэжээ. Иймд цаашдаа онгоцны сэлбэг хэрэгсэл, техник хангамжийн асуудал нэн чухал ач холбогдолтой болж байгааг конгрессын гишүүн онцолжээ. Одоогийн байдлаар гэхэд логистикийн асуудлаас болоод нийт онгоцнуудын ердөө тавин хувь хүрэхгүй нь л 2017-2018 онуудад нислэг үйлдэж чадсан гэж байна. Түүнчлэн одоо үйлдвэрлэгдэж байгаа F-35 -3F гэсэн хувилбар нь радарт илрэхгүй байдал нь шаардлага хангахгүй байгаагаас 100 хувь бэлэн байдалд орж чадаагүй байна гэжээ. Радарт илрэх байдлыг багасгах тусгай технологи ашиглан хийсэн F-35 олон зориулалтат сөнөөгч бөмбөгдөгч онгоцыг боловсруулах, бүтээн ажилд АНУ-аас гадна Австрали, Дани, Итали, Их Британи, Нидерланд, Норвег, Турк гэсэн найман орон оролцсон. Тавдугаар үеийн энэ онгоцыг мөн Израйл, Япон улсууд худалдан авч байгаа юм.