​Тажикистан улс Беларусаас 300 тонн үхрийн мах авах гэрээ байгуулжээ

Тажикистан улс нийслэл Душанбе дэх махны үнийн хөөрөгдөлтийг багасгахын тулд Беларус улсаас 300 тонн үхрийн мах худалдан авахаар болсон тухай Душанбе хотын захиргаан мэдээлсэн байна. Хотын удирдлагууд Беларусын мах нийлүүлэгчдээс 1,5 сая долларын бүтээгдэхүүн худалдан авах гэрээнд гарын үсэг зурж баталгаажуулсан гэж байна. Нийлүүлэлтийн эхний хэсэг болох 20 тонн махыг Тажикистан руу явуулаад байгаа аж. Үлдсэн хэсгийг тохиролцсон графикийн дагуу нийлүүлэх юм байна. 2019 он эхэлснээр Тажикистан зах зээл дээрх мах, загасны үнэ 26 хувиар өсөөд байгаа юм. Эрх баригчид үнийн өсөлтийг зогсоох зорилгоор захиргааны журмаар хатуу үнэ тогтоож үзсэн болов ч үр дүнд нь улсын хэмжээнд махны хомсдол үүссэн тул арга буюу ийнхүү Беларусаас худалдан авч байгаа аж.