УИХ-ын гишүүн асан Д.Гантулгад шүүхээс хоёр жилийн ял оноолоо

УИХ-ын гишүүн асан Д.Гантулгад холбогдох хэргийн шүүх хурал Хан-Уул дүүргийн эрүүгийн хэргийн анхан шатны шүүх хурал өчигдөр боллоо. Шүүх хуралдаанд шүүгчээр С.Базарханд, хохирогч Ч.Н, Э.А нар ѳмгѳѳлѳгч Б.Мэргэн нарын хамтаар оролцож байгаа бол шүүгдэгч талаас Д.Гантулга болон түүний ѳмгѳѳлѳгч Б.Батбаатар, Ж.Барсбаяр нар оролцов.

Уг хуралдаанаар түүнд эхний хэрэгт нэг жил дөрвөн сар, хоёр дахь хэрэгт найман сар нийт хоёр жилийн хорих ял оноосон байна.Учир нь Д.Гантулга 2017 оны зургадугаар сард 25 настай эмэгтэйг хүчиндсэн хэрэгт холбогдон, УИХ-ын гишүүний бүрэн эрхээс татгалзах хүсэлтээ гаргасан бол 2018 оны арваннэгдүгээр сарын 27-нд өөр А гэх эмэгтэйг хүчирхийлэхийг завдсан байдаг.

Дээрх шүүх хурал нийт таван удаа хойшилж улмаар өчигдөр гэм бурууг хэлэлцэх хуралдаан болж ийнхүү ял оноов.