Албаны автомашиныг аминдаа ашиглагчдын эгнээнд ГИХГ-ын дэд дарга Д.Түвшинтөр багтав

Төрийн албаны тухай хуульд албаны машиныг хувийн зорилгоор ашиглахыг хориглосон байдаг. Мөн Засгийн газрын 2019 оны 33 дугаар тогтоолоор баталсан төрийн захиргааны болон үйлчилгээний албан хаагчийн ёс зүйн дүрэмд төрийн байгууллагын эд хөрөнгийг хувийн зорилгоор ашиглахыг хориглосон.

Гэтэл төрийн өндөр албан тушаалтнуудад энэ журам үйлчлэхгүй байна. Тэдний нэгэн жишээ бол Гадаадын иргэн харьяатын газрын дэд дарга Д.Түвшинтөр Албан хэрэгцээндээ ашигладаг автомашинаар сургуульд хүүхэд зөөж байгааг баталгаажуулжээ.

Тодруулбал, өчигдөр /2019.11.11/ Гадаадын иргэн харьяатын газрын "77-66 УБҮ" улсын дугаартай автомашин "Монгол- Орос"-ын хамтарсан гуравдугаар сургууль дээр хүүхэд буулгасан нь ТАЗ, цагдаа болон манай камерын бичлэгт баримт болон үлдсэн байна. Д.Түвшинтөр нь Гадаадын иргэн, харьяатын газрын дэд даргаар 2016 оны 08 дугаар сарын 19-ний өдрөөс ажиллаж байна.