Л.Оюун-Эрдэнэ сайдаа журам хайгаад хэрэггүй ээ, энд бэлэн 20 гаруй хууль бий

Монгол улсад мөрдөгдөж буй 20 гаруй хуулинд төрийн автомашиныг хувьдаа ашиглаж болохгүйг заасан байдаг. Монгол улсын засгийн газрын хэрэг эрхлэх газрын дарга Л.Оюун-эрдэнэ хариуцлага тооцох журам байхгүй ээ гэж мэдэгдсэн.

Албан хэрэгцээний автомашиныг амин хэрэгцээндээ ашиглаж буй төрийн албан хаагчид, өндөр албан тушаалтнуудын талаарх баримттай мэдээллүүдийг та бүхэндээ хүргэсээр байгаа билээ. Тухайлбал Шадар сайд Ө.Энхтүвшингийн албан хэрэгцээний автомашин "Orchlon International School"-ийн гадна хүүхэд буулгаж өгсөн гэх мэтчилэнгээр олон жишээ бий. Төрийн албаны зөвлөлөөс өгч буй мэдээллээр "ёс зүйн хариуцлага тооцно" гэсэн юм. Харин албаны автомашиныг хувийн хэрэгцээндээ ашиглаж буй төрөл бүрийн салбарын төрийн албан хаагчдын тус бүрийн ёс зүйн дүрмийг хүргэж байна. Тодруулбал төрийн албан хаагч ёс зүйн дүрэмд захирагдаж ажиллах ёстой байдаг гэдгийг зарим заалтаар тодорхой бичжээ.

ИНЕГ-ын гадаад хамтын ажиллагааны газрын дарга Г.Батбаярын "02-83 УБҮ" оптима улсын дугаартай автомашинаар өнөө өглөө хичээл эхлэх үеэр "Монгол- Орос"-ын хамтарсан гуравдугаар сургуульд хүүхдээ хүргэж өгсөн зургийг баримтжуулсан. Энэ нь Иргэний нисэхийн ерөнхий газрын ажилтны ёс зүйн дүрэм нь 2.3. Байгууллагын ажилтан нь Төрийн албаны тухай хуулийн 13 дугаар зүйлд заасан нийтлэг үүргийг хүлээж, дараахь шаардлагыг хангаж ажиллана.

Үүнд: 2.3.5. Ажилтан ёс зүйн зөрчил гаргахгүй байх, түүнээс урьдчилан сэргийлэх талаар анхаарч ажиллах гэсэн заалтууд байдаг.

Хууль зөрчигч, татварын мөнгийг хувьдаа завшигчдын эгнээнд ЦЕГ-ын дарга С.Баатаржав "нэгдлээ. "Учир нь Монгол Оросын хамтарсан гуравдугаар сургууль дээр хүүхэд буулгасан албаны автомашинуудын нэг нь болох 01-00 УБЗ дугаартай Тоёота ланд 200 маркийн автомашин нь ЦЕГ-ЫН ДАРГА С.БААТАРЖАВЫН АЛБАН ХЭРЭГЦЭЭНДЭЭ АШИГЛАДАГ АВТОМАШИН болохыг бид олж мэдсэн юм. Тэгвэл энэ нь Цагдаагийн алба хаагчийн ёс зүйн дүрмийн 2.2. Цагдаагийн алба хаагчийн ёс зүй нь өргөсөн тангарагтаа үнэнч байх, хууль тогтоомжийг дээдлэх, шударга ёсыг бэхжүүлэх, хүний эрх, эрх чөлөөг хүндэтгэн тэгш байдлыг хангах, албан үүргээ амжилттай гүйцэтгэх үндсэн нөхцөлийн нэг тул цагдаагийн бүх шатны байгууллага нь алба хаагч бүрээс ёс зүйн хэм хэмжээг заавал сахин биелүүлэхийг шаардана гэх ёс зүйн дүрмийг зөрчиж байгаа юм.

Нийслэлийн нэгдүгээр сургууль дээр өчигдөр /2019.11.11/ төрийн албаны таван автомашинаар хүүхэд буулгасны нэг нь ЗГХЭГ-ын Хяналт шалгалт, дотоод аудитын газрын дарга Э.Бат-Идэрийн албан хэрэгцээндээ ашигладаг 0660 УБҮ улсын дугаартай автомашин байлаа.Тэгвэл Төрийн жинхэнэ албан хаагчийн нийтлэг үүрэг, эрх, хориглох зүйлийн 37.1.7.төрийн албан хаагчийн ёс зүйн хэм хэмжээ, байгууллагын соёл, дэг журмыг сахиж, төрийн албаны нэр хүндийг эрхэмлэн дээдлэх;

39 дүгээр зүйл.Төрийн жинхэнэ албан хаагчийн үйл ажиллагаанд хориглох зүйл 39.1.6-д зааснаар Ерөнхийлөгчийн болон Улсын Их Хурал, аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн сурталчилгаанд аливаа хэлбэрээр оролцох, түүнд зориулалтын бус төсвийн хөрөнгө зарцуулах, төрийн өмч хөрөнгө, албаны унаа ашиглахыг хориглох гэх мэт заалтууд байна.