ЭТИОПЫГ ДАЙРСАН ЦАРЦААНЫ НҮҮДЛИЙН УЛМААС ДӨРВӨН УЛС ӨЛСГӨЛӨНД НЭРВЭГДЭЖ БОЛЗОШГҮЙ

Этиопыг нөмрөөд байгаа царцааны нүүдлийг хяналтад оруулах арга хэмжээг яаралтай аваагүй тохиолдолд хөрш орнууд нь өлсгөлөнд нэрвэгдэж болзошгүй байгаа тухай НҮБ –аас мэдээлснийг "ВВС Africa" уламжилжээ.

Этиопын Засгийн газрыг улсынх нь есөн мужийн дөрвийнх нь газар нутгийг бүрхээд байгааг царцааны нүүдлийн асуудлыг шийдэх арга хэмжээг нэн даруй авахыг авахыг уриалж байгаа тухай НҮБ-ын мэдэгдэлд дурджээ. Царцааны нүүдэл нь асар их хохирол дагуулдаг. Жишээлэхэд, царцааны нүүдлийн улмаас Этиопын Амхара мужийн зарим фермерүүд үр тарианы ургацаа 100 алдаад байгаа аж. Гэтэл Этиопын Засгийн газраас авч байгаа арга хэмжээнүүд нь бодит үр дүн өгөхгүй байгааг НҮБ-ын шинжээчид онцолжээ. Иймд НҮБ-ын Хүнсний байгууллагын Этиоп дахь төлөөлөгч ФатумаСэид нь "Бид нэн даруй хөдөлж, хяналтын болон урьдчилсан сэргийлэх арга хэмжээний цар хүрээг нэмэгдүүлэхэд шаардлагатай бүх эх үүсвэрүүдийг дайчлах ёстой болоод байна" гэжээ.

Царцааны нүүдэлд өртөөд байгаа мужууд руу онгоц явуулж, агаараас шавж устгах бодис цацах замаар асуудлыг шийдэх арга хэмжээ авсан тухай Этиопын Засгийн газрын хэвлэлийн алба мэдээлж байсан юм байна. Гэсэн хэдийд ч царцааны нүүдэл нь Тиграи, Амхара, Оромия, Сомали гэсэн дөрвөн мужийн бүх тариалан, бэлчээрийн ногоог устгаад байгаа гэсэн мэдээ ирсэн байна.

НҮБ-аас гаргасан үнэлгээгээр царцааны нүүдэл нь хоногт 350 км.кв талбай дээрх 1,8 сая ургамлыг устгадаг.

Хэрэв Этиопын Засгийн газраас авч байгаа арга хэмжээ бодит үр дүнд хүргэхгүй хэвээр байвал царцааны нүүдэл нь Этиопын нутгаас халин гарч Кениулсын зүүн хойд нутаг, Эритрей улсын хэд хэдэн муж, Судан улсын өмнөд эргийн бүс нутгийг бүрхэх аюул нүүрлээд байгааг НҮБ-ын Хүнсний байгууллагаас анхааруулсан байна.

Этиопыг цөлмөөд байгаа царцааны нүүдэл нь бүр гурван сарын өмнө хил залгаа Йемений нутгаас орж ирсэн аж.