Д.Одбаярт холбогдох хэргийг прокурорт шилжүүлжээ

ҮХЦ-ийн дарга Д.Одбаярт холбогдох хэргийг БНСУ-ын Нисэхийн аюулгүй байдлын тухай хуулийг зөрчсөн хэмээн прокурорт шилжүүлж байгаагаа Инчеон хотын цагдаагийн байгууллага мэдэгдсэн байна. Түүнийг мөн бусдыг айлган сүрдүүлж, заналхийлсэн гэх үндэслэлээр яллах дүгнэлт үйлдэхээр төлөвлөж байгаа аж. Д.Одбаяр нь лхагва гаригт болсон байцаалтын үеэр "Би согтуу байсан. Тиймээс юу ч санахгүй байна. Хохирогч тэгж мэдүүлсэн бол би архины нөлөөнд автаж, тийм үйлдэл гаргасан байж магадгүй" гэсэн утгатай мэдүүлэг өгсөн байдаг.

Гэхдээ сүүлд гарсан мэдээллээр онгоцны бичлэгийг үзүүлсний дараа орчуулагчийг сүрдүүлсэн гэдгээ хүлээсэн байна. Д.Одбаяр БНСУ-ын прокурорын байгууллагад хандан Монгол руу буцах зөвшөөрөл хүссэн ч хариу өгөөгүй гэсэн байна.