Д.ОДБАЯР АЖИЛТНЫГ СҮРДҮҮЛЖ ЗАНАЛХИЙЛСНЭЭ ХҮЛЭЭН ЗӨВШӨӨРЧЭЭ

Солонгосын хэвлэлүүд манай улсын ҮХЦ-ийн дарга Д.Одбаярын талаар дараах мэдээллийг нийтэлжээ.

Корэйн Эйр компанийн эмэгтэй ажилтанд бэлгийн дарамт үзүүлсэн хэрэгт сэжиглэгдэж буй Монголын ҮХЦ-ийн дарга Д.Одбаяр өөр нэгэн эмэгтэй ажилтанд дарамт үзүүлсэн нь үнэн болохоо цагдаад өгсөн мэдүүлэгтээ хүлээн зөвшөөрчээ. Инчоны цагдаагийн газраас 8-ны өдөр Д.Одбаярыг хүч түрэмгийлэн бэлгийн дарамт үзүүлсэн болон нисэхийн аюулгүй байдлын хуулийг зөрчсөн хэрэгт холбогдуулан яллахаар прокурорын байгууллагт хэргийг шилжүүлээд байна.

Д.Одбаяр нь өнгөрсөн сарын 31-ний өдөр Улаанбаатараас Сөүлийн чиглэлд ниссэн Корэйн Эйр компанийн онгоцонд ажилтан эмэгтэйн өгзгөнд хүрсэн хэрэгт сэжиглэгдээд байгаа юм. Мөн тухайн үед тэрээр орчуулга хийж байсан Монгол эмэгтэй ажилтныг "Монгол руу буцаж очихоор чинь зүгээр өнгөрөөхгүй" гэж дарамталсан гэгдэж байгаа юм.

Хэрэг явдал гарсны дараа өдөр буюу 11 дүгээр сарын 1-ний өдрийн мэдүүлэгт тэрээр ард сууж явсан хүнтэй андуурагдсан гэсэн мэдүүлэг өгч байсан бол 6-ны өдрийн 2 дахь мэдүүлэгтээ "Согтуу байсан болохоор санахгүй байна" гэж байсан юм. Мөн тэрээр хохирогчид тэгэж мэдүүлж байгаа бол согтуу болохоор тийм алдаа гаргасан байж магадгүй гэж мэдүүлээд байгаа ч хэргийг бүрэн зөвшөөрөөгүй байгаа тухай цагдаагийн байгууллагаас мэдэгдээд байгаа юм.

Корэйн Эйр компанийн бичлэгт түүний Монгол ажилтныг заналхийлсэн хатуу ширүүн үгс бичигдсэн байна. Гэвч Монгол ажилтан ҮХЦ-ийн даргад яллах шийтгэл оногдуулахгүй байхыг хүсчээ.

Б.Одбаяртай хамт зорчиж явсан Монгол улсын иргэн А нь өөр нэгэн ажилтын мөрөөр тэвэрсэн хэрэгт холбогдоод байгаа. Гэвч тэрээр тухайн өдөр ямар ч мэдүүлэг өгөлгүй Сингапур руу ниссэн. Түүнийг интерполоор эрэн сурвалжлах ажил эхлээд байгаа.