Г.ЧИНЗОРИГ: ХЯТАД УЛСЫН ИРГЭД ЖИ МОБАЙЛ, СКАЙТЕЛ, ЮНИТЕЛЫН ДУГААРУУДЫГ АШИГЛАЖ БАЙСАН

Аравдугаар сарын 29-ний өдөр Тагнуулын ерөнхий газрын болоод Цагдаагийн ерөнхий газрын алба хаагчид Улаанбаатар дахь таван зочид буудалд гүйцэтгэх ажиллагаа явуулж, 800 гаруй хятад иргэнийг баривчилсан. Учир нь нууцын зэрэглэлтэй, өндөр хүчин чадалтай 1000 гаруй компьютер, 10 мянга гаруй гар утас ашиглан хууль бус үйлдэл хийж байсныг урт хугацааны мөрдлөгөөр илрүүлэн, баривчилгааг зохион байгуулсан талаар мэдэгдсэн.

Тэгвэл тухайн гар утаснуудад ашиглаж байсан дугаар нь Бүгд найрамдах хятад ард улсын албадан буцаасан иргэд жимобайл ХХК-ийн 1500, скайтел ХХК-ийн 500, Юнител ХХК-ийн 400 гаруй дугаарыг ашиглаж байжээ.

Тэд ямар бүртгэлээр тухайн дугааруудыг авсан, хэрхэн ашиглаж байсан нь мөрдлөгийн явцад тодорхой болох юм. Мөн үзлэг нэгжлэг хийх үед их хэмжээний доллар, төгрөг олдсон байна.