МАЛАЙЗЫН ЕРӨНХИЙ САЙД АНУ-ЫН БОДЛОГЫГ ШҮҮМЖЛЭВ

Малайзын Ерөнхий сайд МахатхирМохамад нь Ираныг хавчин бооход чиглэсэн АНУ-ын бодлого нь хууль зүйг зөрчиж байгаа тул Малайз гээд дэлхийн бүх улс оронд асуудал үүсгэж байна гэж мэдэгджээ. АНУ-ын Засгийн газраас Ираны авч байгаахориг арга хэмжээ Иран улсын худалдааны бүх түншүүдийг цаашид хамтран ажиллахгүй болгосон "давлагааны нөлөө" үзүүлж байна гэжээ. Мөн НҮБ-ын дүрэмд аль нэг улсын явуулж байгаа бодлогод дургүйцсэн өөр нэг улс нь дангаар хориг арга хэмжээ авч болно гэсэн заалт байхгүй гэдгийг онцолжээ. АНУ-ын авч байгаа хориг арга хэмжээний улмаас Малайз улс нь худалдааны томоохон хамтрагчаа алдаж, эдийн засаг ба санхүүгийн ихээхэн хохирол амсахад хүрч байна гэсэн байна. Ингээд зогсохгүй АНУ-ын хуулийг дээдлэхийг бүгдэд уриалдаг атлаа өөрөө эрх зүйн хэм хэмжээг зөрчиж, бусад улс орныг ямар ч үндэслэлгүйгээр тэдгээр эрхийг зөрчсөн гэж буруутгаж байна гэж зэмлэсэн байна.