ӨНӨӨДӨР ӨРХИЙН ЭРҮҮЛ МЭНДИЙН ТӨВД ХӨТӨЛБӨР АМЖИЛТТАЙ ХЭРЭГЖИЖ БАЙНА

Н.Мижидмаа

2019/11/04

Нийслэлийн Эрүүл мэндийн газраас санаачлан хэрэгжүүлж буй "Өнөөдөр өрхийн эрүүл мэндийн төвд" хөтөлбөр амжилттай хэрэгжиж байна. Хөтөлбөрийн хүрээнд өнгөрсөн долоо хоногт эмэгтэйчүүдийн мэс заслын эмч, тэргүүлэх зэрэгтэй, клиникийн профессор Ц.Батболд Баянзүрх дүүргийн 9 дүгээр хорооны "Энх Энэрэл" Өрхийн эрүүл мэндийн төвд ажиллалаа.

Урьдчилан сэргийлэх үзлэгт хамрагдсан эмэгтэйчүүдээс мэс засал хийх шаардлагатай таван эмэгтэйг оношилж, нийслэлийн Амгалан амаржих газрын Эмэгтэйчүүдийн мэс заслын тасагт хэвтүүлэн нарийн шинжилгээнд оруулахаар төлөвлөөд байна.

Энэ долоо хоногт Хүний гавьяат эмч М.Чимгээ Сүхбаатар дүүргийн 14 дүгээр хорооны "Өнөр өрх" Өрхийн эрүүл мэндийн төвд ажиллах юм.

Тус хөтөлбөрийн зорилго нь:

Өрхийн эрүүл мэндийн төвүүдэд нарийн мэргэжлийн эмчийн үзлэг зохион байгуулах
Өрхийн эрүүл мэндийн төвийн эмч, эмнэлгийн мэргэжилтнүүдийг үлгэрлэн чадавхижуулах
Анхан болон лавлагаа шатлалын тусламж, үйлчилгээний уялдааг сайжруулахад оршино.
НИЙСЛЭЛИЙН ЭРҮҮЛ МЭНДИЙН ГАЗАР

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ