ХОНКОНГТ ЭСЭРГҮҮЦЛИЙН ЖАГСААЛД ОРОЛЦСОН 200 ГАРУЙ ХҮНИЙГ БАРИВЧИЛЖЭЭ

Аравдугаар сарын 3-нд Хонконгийн гудамж талбайд болсон эсэргүүцлийн жагсаал, түүнийг дагалдсан үймээн, эмх замбараагүй явдлыг тараах үед цагдаа нар 200 гаруй хүнийг баривчилсан байна. Зарим жагсагчид цагдаа нар руу шатах шингэнтэй лонх шидэлж дайрсан. Баривчлагдсан хүмүүсээс 180 гаруй шатах шингэн бүхий лонх хураан авсан аж. Мөн баривчлагдсан хүмүүсийн дунд гал зэвсэг биедээ авч явсан, олон нийтийн өмчийг сүйтгэсэн хүмүүс болон Хонконгийн Засгийн газрын тогтоолыг зөрчин жагсаалд оролцохдоо нүүрээ халхалсан баг зүүсэн хүмүүс байжээ. Цагдаа жагсагчдыг тараахдаа бороохой, нулимс асгаруулагч хий ашиглажээ. Үймээнийг тараах үеэр 17 хүн гэмтэж бэртсэн гэж байна.

Гэмт хэргийн сэжигтнүүдийг эх газрын Хятад руу шилжүүлэх хуулийг эсэргүүцэн эхэлсэн жагсаал нь тав дахь сардаа үргэлжилж байна. Эрх баригчид хонконгчуудын дургүйцлийг төрүүлсэн хуулийг батлахгүй гээд, авч хэлэлцэхээс албан ёсоор татгалзсан ч жагсаал цуглаан зогссонгүй. Одоо жагсагчид цагдаа нарын гаргасан үйлдлийг хараат бус комиссоор шалгуулж, буруутнуудыг шийтгэх, хууль тогтоох байгуулахад Бээжингийн томилгоогоор бус шууд сонгуулиар хүмүүс сонгодог болох, жагсаалыг албан ёсоор үймээн самуун гэж нэрлэхийг болих зэрэг олон шинэ шаардлага тавиад байгаа юм.