КВS: Монголын Үндсэн хуулийн цэцийн дарга Онгоцон дотор үйлчлэгч бүсгүйд бэлгийн дарамт үзүүлэв

Монгол улсын Үндсэн хуулийн Цэцийн дарга Солонгос руу ирэх онгоцонд онгоцны үйлчлэгч бүсгүйд бэлгийн дарамт учруулсан хэргээр цагдаад саатуулагдлаа. Инчонь онгоцны буудлын цагдаагийн газар Бэлгийн дарамт үзүүлэх, шийтгэх тусгай хуулийн дагуу олон нийтийн газар бэлгийн дарамт үзүүлсэн хэргээр Монгол улсын Үндсэн хуулийн цэцийн дарга Доржийн Одбаяр болон хамт яваа 42 настай А нарыг баривчилалгүй хэрэг үүсгэв.

Д.Одбаяр цэцийн дарга нь өмнөх өдрийн оройны 8 цаг 5 минут орчимд Улаанбаатар хотоос Инчонь онгоцны буудалруу ирж байгаа КАЛ-н онгоцон дотор 20 хэдэн настай эмэгтэй үйлчлэгчийн өгзөгийг илсэн гэх хэргээр буруутгагдаж байна. Д.Одбаяр даргатай хамт яваа А ч бас мөн онгоцны үйлчлэгчийн мөрийг илэх тэврэхээр завдах хэрэгт буруутгагдаж байна.

Онгоцны буудлын зүгээс Д.Одбаяр нарын үйлдлийг Цагдаагийн газарт дуудлага өгч мэдээлжээ. Дуудлага авсан цагдаагийн албан хаагчид Инчонь онгоцны буудлын 2-р терминалд Д.Одбаяр нарыг саатуулсан боловч удалгүй сулласан. БНСУ дах Монгол улсын ЭСЯ-ны албан хаагч "Д.Одбаяр дарга нар нь дипломат дархан эрх бүхий "Венийн конвенци"д хамрагдах албан тушаалтан гэж тайлбар өгсний дагуу цагдаагийн газар Одбаяр нарыг сулласан байна.

Цагдаагийн албан хаагчид "Шөнө орой болсон Монголын Үндсэн хуулийн цэцийн дарга бол Венийн конвенцид хамаарагдах албан тушаалтан мөн гэсэн тул эхний ээлжид сулласан байдалтай байгаа бөгөөд Венийн конвенцид хамрагдах эсэхийг нарийн тодруулсны дараа удалгүй байцаалтт явуулах болно гэж мэдээлжээ.

Эх сурвалж КBS,