​АРД ОЛНЫГ БОХИР АГААРААС ХАМГААЛЖ ЧАДАХГҮЙ БАЙНА ГЭЖ БУРУУТГАВ

Хүний эрхийг хамгаалах үйл ажиллагаа явуулдаг олон улсын "Amnesty International" байгууллагаас Пакистаны Засгийн гарыг иргэдийнхээ эрүүл, хэвийн амьдрах эрхийг зөрчиж байна гэж буруутгасан байна. "Amnesty International"-ы Өмнөд Ази дахь албар нь Пакистаны Лахор болон бусад том хотуудын агаарын бохирдол өндөр байгаа нь ирэгдийн амь нас, эрүүл мэндэд ноцтой аюул учруулж байна гэж үзжээ. Тус байгууллагын сайн дурынхан ба Лахор дахь АНУ-ын Элчин сайдын яамны ажилтнуудын авсан агаарын дээжид шинжилгээ хийхэд "утааны улирал" эхэлсэн үед агаарын чанар нь эрүүл мэндэд аюултай болох нь нотлогдсон гэнэ. Иймд "Amnesty International"-аас Пакистаны эрх баригчдад хандан нөхцөл байдлыг сайжруулах арга хэмжээ авахыг уриалжээ. Энэ аравдугаар сард агаарын бохирдол хамгийн өндөр хотуудын олон улсын жагсаалтыг гаргахад Пакистаны Панжаб мужийн төв Лахор хот нь хоёрдугаарт орсон юм. Харин агаарын бохирдол хамгийн өндөр хотоор Энэтхэгийн нийслэл Нью Делийг заажээ.