ТУРКМЕНИЙ ЕРӨНХИЙЛӨГЧ УНАДАГ ДУГУЙГАА МУЗЕЙД БЭЛЭГЛЭЖЭЭ

Туркмений Ерөнхийлөгч Гурбангулы Бердымухамедов нь өөрийн цуглуулгад ирсэн спорт загварыг хоёр шинэ унадаг дугуйг Туркмен улсын Соёлын төвийн музейд дурсгал болгон өгсөн байна. Энэхүү чухал үйл явдлыг тохиолдуулан музейд Ерөнхийлөгчийн бэлгийг хүлээн авах хэвлэлийн бага хурал, ёслолын арга хэмжээ зохион байгуулж, түүнд нь тамирчид, урлаг ба спортын зүтгэлтнүүд оролцсон тухай "Metbugat" мэдээлсэн байна. Оролцогчид нь "Манай баатар Аркадаг нь Туркмений иргэдийг спорт ба биеийн тамираар хичээллэх сонирхлыг төрүүлэхтэй холбоотой зорилтуудыг шийдвэрлэхэд онцгой анхаарал хандуулдаг хүн" гэсэн байна. Харин музейн захирал нь "Үндэстний удирдагч хүн дугуй унана гэдэг нь нэн тэргүүнд залуу үедээ үлгэр дуурайлал болж байгаа хэрэг юм. Харин хүний биеийн болон сэтгэлийн хөгжлийн үндэс нь залуу насанд бүрэлддэг билээ" гэж онцолжээ. Туркмений Ерөнхийлөгч нь маш олон талын мэдлэг чадвартай хүн бөгөөд цэрэг дайны шинжлэх ухаан, урлаг, анагаах ухаан, боловсрол, цэвэр усны хангамж, эмийн ургамал судлал, цай, ахалтек үүлдрийн адуу, туркмен хивс зэрэг олон зүйлсийн талаар 40 гаруй ном бүтээл туурвисан байдаг. Хамгийн сүүлд гэхэд тэрээр Туркмений алабай үүлдрийн нохойны талаар ном бичиж олон нийтэд танилцуулсан нь олны сайшаал магтаалыг хүлээжээ.