​КИРГИЗ УРАН ОЛБОРЛОХ, ХАЙХЫГ ХОРИГЛОСОН ХУУЛЬ БАТАЛЛАА

Киргизийн парламент гурав дахь удаагийн буюу эцсийн хэлэлцүүлгээр тус улсын нутаг дэвсгэр дээр уран ба торийн орд газарт геологийн судалгаа явуулах, олборлолт хийхийг хориглосон хуулийг баталсан тухай парламентын хэвлэлийн албанаас мэдээлж байна. Парламентын хуралдаанд ирсэн 111 гишүүнээс 1 нь л эсэргүүцэж бусад нь бүгд дэмжжээ. Шинэ хуулиар Киргизийн нутаг дээр уран ба тори агулсан орд газрыг хайх, боловсруулах, улсын хилээр уран ба тори агуулсан түүхий эд, хаягдал нэвтрүүлэн оруулж ирэх, цацраг идэвхт овоолго ба уулын хаягдлыг хувийн компаниудад боловсруулахаар шилжүүлэхийг хоригложээ.