​ОРОСЫН ТУСГАЙ АЛБАДТАЙ ХАКЕРУУД ДЭЛХИЙ ДАЯАР ДОПИНГИЙН ЭСРЭГ АГЕНТЛАГУУД РУУ ХАЛДЖЭЭ

Өөрсдийгөө "Strontium", "Fancy Bear", APT28 гэх мэтээр янз бүрээр нэрлэдэг олон улсын хакеруудын бүлэглэл дэлхий даяар допингийн эсрэг үндэсний агентлагууд, олон улсын спортын байгууллагуудын интернэт сүлжээ рүү дайралт хийсэн тухай "Microsoft Corp" мэдээлсэн байна.

"Microsoft" нь энэхүү бүлэглэл нь Оросын Засгийн газартай холбоотой байсан гэж мэдэгдсэн байна. Есдүгээр сарын 16-нд эхэлсэн дайралт нь гурван тивийн 16 орны допингийн эсрэг агентлаг, олон улсын спортын байгууллагуудын эсрэг хийгдсэн гэдгийг "Microsoft" тодруулж чадсан байна. Энэхүү дайралтын дийлэнх нь бүтэлгүйтсэн ч зарим нь амжилтад хүрч тодорхой мэдээлэл алдагдсан гэдгийг "Microsoft" үйлчлүүлэгчдэдээ анхааруулжээ.

Кибер аюулгүй байдлыг хангах үйл ажиллагаа явуулдаг "CrowdStrike" компани нь "Strontium"-ыг хакеруудын дэлхийн хамгийн анхны бүлэглэлүүдийн нэг, Оросын Зэвсэгт хүчний тагнуулын алба болох "ГРУ"-тай холбоотой ажилладаг байж магадгүй тухай мэдээлж байсан юм.

"Strontium" бүлэглэл нь 2016 ба 2018 онуудад спортын олон улсын байгууллагууд, допингийн эсрэг агентлагуудын өндөр албан тушаалтнуудын албан захидал солилцоог ил болгож ихээхэн дуулиан тарьж байсан юм. Тухайлбал, Америкийн тамирчид эрүүл мэндийн асуудалтайн улмаас эмчийн тусгай зөвшөөрлийн дагуу допингийн төрөлд багтсан эм, бэлдмэл тогтмол хэрэглэдэг, хэрэглэсэн үедээ тэмцээн уралдаанд ордог байсан нь ил болж ихээхэн дуулиан болж байсан.