Цахим гэмт хэрэгтэй холбоотой байж болзошгүй гэж Засгийн газрын ХМА-ны дарга Ц.Ганзориг мэдээллээ

Тагнуулын ерөнхий газар, Цагдаагийн ерөнхий газраас өчигдөр орой БНХАУ-ын 500 иргэнийг гурван зочид буудлаас саатуулсан талаар бид өмнө нь мэдээлсэн. Тэгвэл өнгөрсөн шөнө дахин 500-гаад иргэнийг нэмж илрүүлэн, баривчилжээ.Тэд монгол сим бүхий үүрэн холбооны 10 мянга гаруй дугаар, өндөр хүчин чадалтай 1000 орчим компютер хэрэглэн байсныг шалгалтын явцад хураасан юм. Одоогоор эдгээр 1000-аад хятад иргэнийг цахим гэмт хэрэгтэй холбоотой гэж үзсэн тул прокурорын хяналт дор шалгаж байгааг Засгийн газрын ХМА-ны дарга Ц.Ганзориг хэллээ.