​ДОЛОО ХҮҮХДИЙН ЭЦЭГ СУГАЛААГААР 80 САЯ ДОЛЛАР ХОЖЖЭЭ

Америкийн Мичиган мужид оршин суудаг Филипп Чиппева гэгч 54 настай эр "Michigan Powerball" сугалаагаар 80 сая доллар хожсон тухай "Fox News" мэдээлж байна. Филип нь "Powerball" сугалааны хожлын сангийн хэмжээ нэмэгдэх болгонд сугалааны тасалбар худалдан авдаг байж. Есдүгээр сарын 21-нд сугалааны хожлын сан өссөн тухай олж мэдсэн Филипп дэлгүүрээс хүнс цуглуулахдаа сугалааны тасалбар авсан байж. Гэхдээ сугалгааг машиндаа орхиод ор тас мартсан байтал охин нь утсаар ярьж, түүний амьдардаг газраас супер шагналын хожсон тухай хэлэхэд тасалбартай гэдгээ санасан байна. Ингээд тасалбараа гарган тулгаж үзээд 80 сая доллар хожсоноо мэдээд маш ихээр сэтгэл нь хөдөлсөн аж. Тэрээр хожлын мөнгөнөөс холбогдох татвар суутгалаа төлсний дараа 42 сая долларыг гар дээрээ авна. Филип Чиппева нь 7 хүүхэдтэй, 21 ачтай юм байна. Тэрээр хожлынхоо мөнгөөр өөртөө болон хүүхдүүддээ машин, байшин худалдан авах төлөвлөгөөтэй гэдгээ сэтгүүлчдэд ярьжээ. Гэхдээ их мөнгө хожлоо гээд амьдралаа өөрчлөхгүй, өмнө нь хийдэг байсан ажлаа үргэлжлүүлэн хийнэ гэсэн байна. Гэвч ажлын газрынх нь дарга түүнээс яаж гэж ажилдаа яваад байгаа талаар асуугаад нэлээд эвгүй байгаа тухайгаа бас ярьжээ.