​ГАЛЫН ӨРӨӨНИЙ ХАНАНД ОЛОН ЖИЛ БОЛСОН ЗУРГАА 24 САЯ ЕВРОГООР ЗАРЖЭЭ

Францын хойд нутаг дахь Компень хотод амьдардаг эмгэний гал тогооны өрөөний хананд өлгөөтэй олон жил болсон зургийг дуудлага худалдаагаар оруулж 24 сая еврогоор зарсан тухай "Associated Press" агентлаг мэдээл байна. Италийн уран зургийг сэргэн мандалтыг эхлүүлэгчдийн нэг гэгддэг XV зуунд амьдарч байсан Чимабуэ гэдэг алдартны зургийг эмээгийн галын өрөөний хананд өлгөөтэй байхад нь урлагийн бүтээлийн дуудлага худалдаа зохион байгуулдаг хүн энэ оны зургаадугаар сард санамсаргүй таарснаар энэ үйл явдал эхэлжээ. Урлагийн бүтээл үнэлэгчид 24х20 см хэмжээтэй энэхүү бүтээлийг анхандаа 6 сая еврогийн үнэ хүрнэ гэж тооцож байсан ч дуудлага худалдаа эхлэхэд Францын Шантийи хотын нэрээ нууцалсан хүн 24 сая еврогоор авсан аж. Ингэснээр Чимабуэгийн бүтээл нь 1500 оноос өмнө туурвигдсан уран зургуудын дунд хамгийн өндөр үнэ хүрсэн бүтээлээр тодорсон байна. Чимабуэ нь Италийн алдарт зурааж Жоттод багшилж байсан хүн бөгөөд Дундад зуунд түгээмэл байсан Визант маягийн арга барилыг халж, хожим өрнө дахины уран зурагт түгээмэл болсон алслал, үйл хөдлөл, элементүүдийг хамгийн анх бүтээлдээ нэвтрүүлсэн хүмүүсийн нэг байжээ.