​ӨМНӨД СОЛОНГОСЫН КОМПАНИ ПЕРУГИЙН КУСКОД ШИНЭ НИСЭХ БУУДАЛ БАРИНА

Өмнөд Солонгос ба Перу улсын Засгийн газрууд Куско хотод нисэх буудал барих гэрээнд гарын үсэг зурсан тухай Өмнөд Солонгосын "KBS" мэдээлжээ. Гэрээнд гарын зурах ёслол Куско хот дахь Нарны сүмд болсон гэж мэдээлжээ. Гэрээнд Солонгосын талаас Худалдаа ба хөрөнгө оруулалтын дэмжих агентлаг (KOTRA), Газар, дэд бүтэц, тээврийн яам болон, "Korea Airports Corporation", "Dohwa Engineering Company Limited", "Kunwon Engineering, Hanmi Global" компанийн төлөөлөгчид гарын үсэг зурсан бол Перугийн талаас Тээвэр, харилцаа холбооны сайд, Куско хотын мэр, Чинчеро хотын мэр гарын үсэг зурсан байна.

Нисэх буудал барих бүх л ажлыг Перугийн Засгийн газрын нэрийн өмнөөс Өмнөд Солонгосын компаниуд удирдан аж. Нисэх буудлыг барихад 35,4 тэрбум вон зарцуулна. Шинэ буудлыг 2024 онд ашиглалтад оруулах бөгөөд жилдээ 5 сая зорчигч хүлээн авах чадалтай болох ёстой аж.

Куско нь эртний Инкуудын эзэнт гүрний нийслэл байсан, түүхий дурсгалаараа алдартай хот. Гадаадын жуулчид инкуудын Нарны сүм, 128-200 тонн жинтэй цул чулуун хавтангуудыг зүү шигэх зайгүй өрж босгосон 9 м өндөр ханыг болон алдарт Мачу Пикчу руу очих замдаа энэ хотоор зочилдог. Куско хот жил болгон 1,8 сая гадаадын жуулчин хүлээн авдаг аж.