З.БАЯНСЭЛЭНГИЙГ ӨЧИГДӨР 22.00 ЦАГИЙН ҮЕД 461-Р АНГИД ХҮРГЭЖЭЭ

Өчигдөр Сонгинохайрхан дүүргийн Эрүүгийн хэргийн анхан шатны шүүхэд Барилга хот байгуулалтын сайд асан З.Баянсэлэнгэ, М.Болортуяа нарт холбогдох хэргийг шүүх хурал болох байсан ч тэрбээр шүүх бүрэлдэхүүнээс татгалзсанаар хойшилсон юм. Үүнтэй холбогдуулан түүнийг шүүхийн байгууллагад хүндрэл учруулсан хэмээн үзэж, цагдан хорих, таслан сэргийлэх арга хэмжээ авсан юм. Тодруулбал, ЭХХШТХ-ийн 7.9 1.4, 7.9.2т заасныг үндэслэж хорьсон. Уг заалтууд нь

1.4.эрүүгийн хэрэг хянан шийдвэрлэх ажиллагааны явцад санаатай саад учруулахгүй байх;

1.2.шүүх хуралдааны дэгийг сахих хэмээн заажээ.

З.Баянсэлэнгийг Барилга, хот байгуулалтын сайдаар ажиллаж байхдаа албан тушаалын байдлаа урвуулан ашиглаж, "Бэрэн групп" ХХК-ийн барьсан "Хангай" хотхоны орон сууцнаас 123 айлын орон сууцыг тендер зарлалгүйгээр худалдан авч, улсын төсөвт 972.4 сая төгрөгийн хохирол учруулсан байж болзошгүй хэргээр шүүж буй.

Түүнийг өчигдөр орой 22:00 цагийн орчимд урьдчилан хорих 461-р ангид цагдан хорих байранд хүргэсэн байна.