ТАНКЧИН ЗАЛУУ ХӨЛӨӨ ТАСЛУУЛСАН Ч БАГИЙН ГИШҮҮДЭЭ АВАРЧЭЭ

Америкийн цэргийн албан хаагч гэнэтийн ослын улмаас хөлөө таслуулсан ч экипажынхаа гишүүдийг аварсан тухай "New York Post" сонин бичсэн байна. Зүүн Европын нэгэн оронд болсон хээрийн сургуулийн үеэр 21 настай ЭзраМаесэкипажийн хамт танкандаа унтах болсон байна. Гэтэл унтаж байх зуур нь тормозны системдээ эвдрэлтэй байсан танк уруу газар өнхөрч 145 км/ц хүртэл хурдлаад овоолсон шороо мөргөж зогссон байна. Танкийг шороо мөргөн үед Маесын хөл танкны цамхгийг эргүүлэх механизмд хавчуулагдсан байж. Тэрээр анхандаа хөлөө хугарсан гэж бодоод хүчтэй таттал нэг юм тасрах мэдрэмж төрсөн гэнэ. Тэрээр энэ тухай "Тэгээд би хөлөө сугалаад гаргаад ирлээ гэж бодоод холдтол хөл байхгүй байсан" гэжээ.

Маес хүчтэй цус алдаж байсан хэдий ч танкны эмийн санд хүрч хөлдөө эрчлүүр тавин цус алдалтаа зогсоож чаджээ. Хүчтэй мөргөлтийн улмаас багийн бусад гишүүд ч хүнд бэртсэн байж. Нэгнийх нь нуруу нь хугарч, нөгөөх нь хөлдөө хүнд гэмтэл аван цус ихээр алдсан байж. Үүний дээр танкны радио станц болон холбооны бусад хэрэгсэл бүгд ажилгүй болоод Маесийн гар утас л ажилтай үлдсэн байжээ. Иймд Маес нь найз руугаа тусламж хүссэн зурвас илгээснээр яаралтай тусламж авч бүгд амьд гарсан байна.