ТРАМПААС ЭРДОГАНД БИЧСЭН ЗАХИДАЛ ДУУЛИАН ТАРЬЖ БАЙНА

Туркийн армийнхан Сирийн хойд нутагт тусгай ажиллагаа явуулж эхлэхээс өмнө АНУ-ын Ерөнхийлөгч ДональдТрампаас Туркийн Ерөнхийлөгч Эрдоганд бичсэн захидлыг NBC суваг нийтэлсэн явдал жинхэнэ дуулиан тарьж байна. ДональдТрамп"цэвэр ковбой, гүндүүгүй америкийн эр"-ийн зан гаргаж олон улсын харилцаанд, тэр тусам төрийн тэргүүнүүдийн захидал солилцоонд байж боломгүй үг хэллэг ашигласан бол хүлээн авсан Эрдоган захидлыг уншсаны дараа хогийн саванд хийсэн явдал дуулиан тарихаас ч өөр аргагүй. "BBC" агентлагийн Турк дэх салбарт тус захидлыг жинхэнэ болохыг, мөн Эрдоган хогийн саванд хийсэн гэдгийг эх сурвалжууд баталсан.

Захидал:

"Эрхэмсэг ноён Ерөнхийлөгч өө

Хоёул сайн тохиролцоог хэлэлцье ээ! Өөрийг тань олон мянган хүнийг хүйс тэмтэрсэн, алсан хэрэгт буруутгахгүй байхыг Та хүсэж байгаа байх харин би Туркийн эдийн засгийг сүйрүүлсэн хариуцлагыг үүрэхийг хүсэхгүй байгаа ч чадна. Брансон пасторын жишээн дээр үүнийг Танд бага зэрэг харуулсан.

Танай асуудлыг шийдэх дээр би их ажилласан. Хоёул дэлхий дахины итгэлийг хөсөрдүүлэхгүй байя л даа. Та гайхалтай сайн тохиролцоонд хүрч чадна. Мазлум генерал Тантай хэлэлцээ хийхийг хүсэж байгаа, өнгөрсөнд Таны хүрэх гээд чадаагүй харилцан ойлголцолд хүрэхэд тэр бэлэн байна. Дөнгөж сая түүнээс надад ирүүлсэн захидлын хуулбарыг танд итгэн хавсаргалаа.

Та зөв бөгөөд хүнлэг үйлдэл хийвэл түүхэнд эергээр үлдэнэ. Харин хэрэг явдал буруу байдлаар яваад эхэлбэл түүх таныг чөтгөр гэж үүрд дурсах болно. Мундаг хүн болох гэсний хэрэггүй шүү. Тэнэг зан бүү гаргаарай! Тань руу дараа залгая".

Ийм захиаг Туркийн удирдлага дипломат ёсонд үл нийцнэ гэж хүлээн авч хогийн саванд хийсэнд гайхах зүйлгүй. Ингээд энэ захидлын хариуд Эрдоган "Энхийн булаг" нэртэй ажиллагааг Сирид явуулах тушаал өгсөн юм байна.