ЭРДОГАН АМЕРИКИЙН ДЭД ЕРӨНХИЙЛӨГЧТЭЙ УУЛЗАХГҮЙ

Сирийн хойд нутагт Туркийн явуулж буй "Энхийн булаг" ажиллагааг даруй зогсоох талаар Эрдогантай уулзаж ярилцахаар АНУ-ын дэд Ерөнхийлөгч Майк Пенс аравдугаар сарын 16-нд Туркийг зорьсон. Гэтэл Туркийн Ерөнхийлөгч Эрдоган нь Амеркийн дэд Ерөнхийлөгчтэй уулзахаас татгалзсан тухай "Sky News" мэдээлж байна. Эрдоган нь "Би түүнтэй уулзаж ярилцахгүй. Трампыг ийшээ ирэхээр нь л уулзаж ярилцана" гэсэн байна. Ийнхүү дэлхийн нийтээр Туркийн ажиллагаа, курдын эвсэг бүлгүүд Асад ба Оросын цэргүүдэд чухал газруудаа хүлээлгэн өгч байгаа явдалд анхаарал хандуулах зуур Израйль Сирийн нутагт агаараас сэм цохилт өгчээ. Сэтгүүлч Бабак Тагвей энэ тухай "Twitter" хуудсаараа мэдээлжээ. Тэрээр "Сирийн зүүн хойд нутаг дахь эмх замбараагүй байдал нь Израйлийн Цэргийн нисэх хүчинд Ираны "Исламын хувьсгалын харуулууд"-тай холбоотой байнуудад агаараас нууц цохилт өгөх сайхан боломж олгов. Өчигдөр шөнө Израйлийн Цэргийн нисэх хүчин Иракийн хилийн ойролцоох Абу Камаль дахь Исламын хувьсгалын харуулуудтай холбоотой цэргийн лагерьт цохилт өглөө" гэж бичсэн байна.