​КАЗАХСТАНЫ ШҮҮХ ХЯТАДАД МЭДЭЭЛЭЛ ДАМЖУУЛСАН ЭРДЭМТЭНД 10 ЖИЛ ХОРИХ ЯЛ ОНООЖЭЭ

Казахстаны Алмата хотын шүүхээс Хятад судлаач эрдэмтэн Константин Сыроежкиныг эх орноосоо урвасан хэрэгт буруутай гэж үзээд 10 жил хорих оноож, Казахстаны иргэншлийг нь цуцлаах шийдвэр гаргасан тухай тус улсын Үндэсний аюулгүй байдлын хороо мэдээлсэн байна. Сыроежкиныг энэ оны хоёрдугаар сард төрийн нууцыг гадаад руу дамжуулсан хэрэгт буруутган баривчилсан ч аль улсын талд ажилласан, ямар мэдээлэл дамжуулсан нь тодорхойгүй байсан юм. Америкийн "Wall Street Journal" сонин Казахстан дахь эх сурвалжаа иш татан бичихдээ "Сыроежкин нь Хятадын талаас мөнгөн урамшуулал авсны хариуд нууц бичиг баримт өгч байсан бололтой" гэж бичиж байсан. Харин Хятадын эрх баригчид энэ мэдээллийг ямар ч ор үндэслэлгүй зүйл гэж тайлбарласан. Константин Сыроежкин нь Зөвлөлтийн үед КГБ-ийн дээд сургуулийг дүүргэсэн хүн бөгөөд Казахстаны урдаа барьдаг Хятад судлаач эрдэмтдийн нэг байсан. Хятад судлалын талаар орос, казах, хятад хэл дээр мянга гаруй нийтлэл, бүтээл хэвлүүлсэн хүн юм байна. Сыроежкин нь одоогийн Ерөнхийлөгч Касым-Жомарт Токаевыг Ерөнхий сайдаар ажиллаж байх үед Хятадын асуудалд хариуцсан зөвлөхөөр нь ажиллаж байжээ. Дээр дурдсанчлан Сыроежкины Казахстаны иргэншлийг цуцалсан тул 10 жил хорих ял эдэлсний дараагаар Казахстаны нутгаас албадан гаргаж, таван жилийн хугацаанд орж ирэхийг нь хориглоно.