​ЭРДОГАН ТУРКИЙН ЭСРЭГ ХОРИГ АРГА ХЭМЖЭЭНД САНАА ЗОВОХГҮЙ БАЙГААГАА ХЭЛЭВ

Туркийг Сирийн хойд нутагт "Энхийн булаг" цэргийн ажиллагаа явуулж байгаатай холбоотойгоор хориг арга хэмжээ авсанд Ерөнхийлөгч Режеп Тайип Эрдоган санаа зовнихгүй байгаагаа хэлжээ. Тэрээр "Ажиллагаа нь бүх зорилгодоо хүрээгүй цагт үргэлжилсээр байх болно. Бид зорилго ойлгомжтой, хориг арга хэмжээний талаар түгшсэн зүйл алга. Бид алан хядагчдыг хилээс 32 км зайнд холдуулах зорилготой" гэж мэдэгджээ. АНУ-ын Ерөнхийлөгч Трамп нь аравдугаар сарын 14-нд Туркийн эсрэг хориг арга хэмжээ авах тушаалд гарын үсэг зурсан. Энэ хориг арга хэмжээнд Туркийн Батлан хамгаалах яам, Эрчим хүчний яам болон эдгээр яамдын сайд нар, Дотоод хэргийн сайд нар орсон байна. Энэ зуур Америкийн Төрийн департамент ч хориг арга хэмжээний талаар байр сууриа илэрхийллээ. Тус департаментын төлөөлөгч нь Туркийн цэрэг Сирийн зүүн хойд нутагт дайралтаа зогсоогоогүй цагт хориг арга хэмжээ үргэлжилсээр байх болно гэжээ. Харин Сирид цэргийн ажиллагаа явуулахаа зогсоовол Америктай буцаад хэвийн харилцаатай болох боломжтой гэдгийг Төрийн департаментын төлөөлөгч онцолжээ.