​ХЯТАД ПАКИСТАН ХОЁР ЭДИЙН ЗАСГИЙН КОРИДОР БАЙГУУЛАХ АЖЛАА ХУРДАСГАНА

Пакистан, БНХАУ -ын Засгийн газрууд Хятад-Пакистаны эдийн засгийн коридорын "Өмнөд чиглэл"-ийг байгуулах ажлаа хурдасгахаар тохиролцсон байна. Хятад-Пакистаны дэд бүтцийн хөгжүүлэх ажлын бүлгийн хуралдааны үеэр ийм шийдвэр гаргасан гэдгийг Пакистаны "Dawn" агентлаг мэдээллээ. Хоёр улс хоорондын эдийн засгийн коридор байгуулах ажлын хоёр шатны ажлын хүрээнд Пакистаны мэдэлд байдаг Кашмирмын хэсэг буюу Азад Кашмир, мөн Хайбер-Пахтунхва, Белужистан мужуудыг холбох 1270 км зам барихаар болоо. Мөн Гилгит-Балтистан дүүргээс Читрал хүртэл, Дера-Исмаил-Хан хотоос Пешавар хүртэл замуудыг тусад нь барихаар болжээ.

Гэвч энэ зуур Пакистаны сөрөг хүчний "Жамийат Улема-е-Ислам" намын тэргүүн Фазлур Рехман нь Засгийн газраа "сайн дураар огцорч, гэртээ эсэн мэнд харьцгаа" гэсэн уриа тараасан байна. Тэрээр Пакистаны Ерөнхий сайд Имран Ханы Засгийн газрыг ямар ч чадваргүй, тоглоомынх гэж мэдэгдээд сөрөг хүчнээс зохион байгуулах гэж байгаа "Эрх чөлөөний аян" нэртэй жагсаалыг эхлэхээс өмнө огцрохыг шаардлаа. Энэхүү жагсаал нь тайван хэлбэртэй болох бөгөөд хууль сахиулах байгууллагуудын зүгээс хүч хэрэглэхгүй бол "ард түмэн ба төрийн машины хооронд мөргөлдөөн болохгүй" гэжээ. Энэхүү жагсаал явуулахыг сөрөг хүчний гол нам гэгддэг "Пакистаны ардын нам" дэмжихээ илэрхийлээд байгаа юм. Үүнээс өмнө сөрөг хүчнийхэн Имран Ханы Засгийн газрыг Энтэхгийн Жамму ба Кашмир мужийг Нарендра Модийн Засгийн газраас аврахын төлөө юу ч хийхгүй байна гэж буруутган, цаашид энэ чигээр байвал төрийн эргэлт хийнэ гэсэн утгатай мэдэгдэл хийж байсан юм.