АМЕРИКТ ЭЭЛЖИТ УДААГАА БУУДАЛЦААН БОЛЛОО

АНУ-ын Пенсильван мужийн Филадельфи хотод үл мэдэгдэх этгээд гудамжаар алхалж явсан хүмүүс рүү замбараагүй буудсан хэрэг гарсан тухай "NBC 10 Philadelphia" суваг дамжуулсан байна. Үүнээс болж зургаан хүн шархадсаныг эмнэлэгт хүргэжээ. Цагдаагийн газраас гэмт этгээдийн баривчиллаа гэсэн мэдээ хараахан ирээгүй байгаа аж.

Үүнээс өмнө буюу аравдугаар сарын 13-нд Флорид мужийн Бока-Ратон хотын худалдааны төвд мөн л хэн болох нь тогтоогдоогүй этгээд хүмүүс рүү гал нээсэн мэдээ ирсэн. Тус хотын цагдаагийн газар "Twitter" дээрээ "Буун дуу гарсан тухай мэдээ ирсэн. Сумны шарх авсан нэг хүнийг Делрей эмнэлгийн төвд хүргэсэн. Цагдаагийн SWAT салааныхан худалдааны төвд шалгалт хийж байна" гэж жиргэжээ.