СИРИЙН КУРДУУД ПУТИН, АСАД ХОЁРООС ТУСЛАМЖ ГУЙНА

Сирийн хойд нутагт Туркийн арми курдуудын эсрэг томоохон хэмжээний байлдааны ажиллагаа явуулаад дөрөв хонож байна. Туркийн арми энэ хугацаанд курдууд амьдран суудаг ихээхэн газар нутгийг эзэлсэн авсан байна. Үүнээс болж 100 мянга гаруй хүн орон гэрээ орхин дүрвэжээ. Туркийн зүгээс 7 танк, 75 албан хаагчаа алдаад байгаа тухай "ANF News" мэдээлж байна.

Мөн үүнтэй зэрэгцээд "Сирийн ардчилсан хүч" нэртэй курд бүлэглэлүүд дийлэнх олонхыг бүрдүүлдэг эвсэл нь АНУ-ыг Туркийн дайралтыг зогсооход туслахгүй бол ОХУ-ын Ерөнхийлөгч Путин, Сирийн Ерөнхийлөгч Башар Асадад хандан тусламж хүснэ гэдгээ мэдэгджээ.

Энэхүү "Сирийн ардчилсан хүчин" Америкийн дэмжлэг туслалцаа авдаг бөгөөд алсдаа Сирийн хойд нутагт тусгаар улс байгуулах зорилготой гэгдэж байсан. Туркийн армийн ажиллагаа эхлэхээс өмнө Башар Асадын дарангуйлагч гээд ямар нэг байдлаар хэлэлцээ хийх сонирхолгүй байсан юм. Гэвч Дональд Трамп курдуудыг Туркийн армиас хамгаалахгүй гэж мэдэгдсэний дараа удирдлага нь Сирийн газар нутгийн бүрэн бүтэн байдлыг хүндэтгэн үздэг гэдгээ онцлох болсон.