СИРИД ОРОСЫН ЭРГҮҮЛИЙН ЗАМД БӨМБӨГ ДЭЛБЭЛЖЭЭ

Сирийн өмнөд хэсэг дэх Дераа мужид Оросын цэргийн цагдаа нарын эргүүлийн зам дагуу алан хядагчид хоёр бөмбөг дэлбэлсэн тухай Сири дэх дайсагнагч талуудыг эвлэрүүлэх төвийн удирдагч, хошууч генерал А.Бакин мэдэгдсэн байна. Бакины мэдээлснээр эргүүлийн зам дагуу эхний дэлбэрэлт болсон ч Оросын талаас нэг ч алан хаагч шархдаагүй ч хэргийн газар Сирийн тусгай албаны ажилтнууд ирэхэд хоёр дахь бөмбөгийг тэсэлсэн. Үүнээс болж Сирийн хоёр албан хаагч хөнгөн шархдаж, машинууд нь гэмтсэн юм байна. Туркийн армийг Сирийн хойд нутагт явуулж байгаа "Энхийн булаг" ажиллагааны далбаан дор сүүлийн үед алан хядагчид идэвхжээд байгаагийн нэг жишээ нь энэ аж.

Туркийн арми энэ сарын 9-нд Сирийн курд салан тусгаарлагчдын эсрэг байлдааны ажиллагааг эхлүүлсэн бөгөөд түүндээ Башар Асадын эсрэг байлдаж байгаа сөрөг хүчнийхэн, түүний дотор алан хядагч гэж тодорхойлогдсон бүлэглэлүүдийн хүн хүчийг идэвхтэй ашиглаж байгаа юм.