АМЕРИКТ НУУЦ МЭДЭЭЛЛИЙГ СЭТГҮҮЛЧДЭД ДАМЖУУЛСАН БХЯ АЖИЛТНЫГ БАРИВЧИЛЖЭЭ

Н.Мижидмаа

2019/10/11

АНУ-ын прокурорын алба нь Батлан хамгаалах яамны тагнуулын удирдах газрын ажилтан ГенриФриз гэгчийг маш нууц мэдээлэл сэтгүүлчдэд дамжуулсан хэргээр баривчилсан тухай "СА" агентлаг мэдээлсэн байна.

Фриз нь 2018, 2019 онуудад гадаадын нэгэн улсын зэвсэглэлийн системтэй холбоотой нууц мэдээллийг сэтгүүлчдэд дамжуулж, тэр мэдээллийг нь хэвлэл мэдээллийн хэрэгслүүд наймаас цөөнгүй удаа ашиглан мэдээ бэлдсэн аж. Фриз нь нууц мэдээлэл дамжуулдаг сэтгүүлчтэйгээ амрагийн харилцаатай байсан юм байна. Холбооны мөрдөх товчоо нь Фриз болон түүнээс мэдээлэл авдаг байсан сэтгүүлчдийн утасны яриаг чагнаж, Твиттер дэх зурвас солилцоог нь хянаж байсан тул нотлох баримт хангалттай байгаа юм байна.

Нууц мэдээлэл дамжуулсан Фризд 20 жил хүртэл хорих ял оноож магадгүй байгаа аж. Сүүлийн хоёр жилийн хугацаанд АНУ-ын Хууль зүйн яамнаас зургаан хүнд нууц мэдээлэл бусдад дамжуулан гэсэн ял тулгаад байгаа юм байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ