​АНУ- НЬ КУБЫН ЭСРЭГ ЭЭЛЖИТ ХОРИГ АРГА ХЭМЖЭЭ АВАХААР БОЛЖЭЭ

АНУ нь Кубыг Венесуэлийн хууль ёсны Засгийн газрыг дэмжлээ гэж эдийн засгийн шинэ хориг арга хэмжээ авах гэж байгаа тухай "Reuters" агентлаг мэдээлж байна. АНУ-ын Засгийн газрын Венесуэлийн хэрэг хариуцсан тусгай төлөөлөгч Эллиотт Абрамс нь энэ талаар "Бид Венесуэлийн хувьд болон хүний эрхийн талаар бүхэлд нь ямар ч өөрчлөлт ажиглахгүй байгаа тул шахалт үзүүлэх арга олохыг ямагт хичээх болно" гэжээ. Вашингтон нь Николас Мадурогийн Засгийн газрыг түлхэн унагахын тулд явуулж байгаа дээд зэргийн дарамт шахалт үзүүлэх бодлого нь бодит үр дүнд хүрэхгүй байгаад сэтгэл дундуур байгаа юм байна. Улмаар Мадурог түлхэн унагахад саад болж байгаа улс орнуудын эсрэг эдийн засгийн хориг арга хэмжээ авахаар болсны нэг нь энэ аж. Куба нь Америкийн хориг арга хэмжээг үл тоон Венесуэлээс газрын тос их хэмжээгээр худалдан авч байгаа тул энэ удаад Кубын эрчим хүчний салбарын эсрэг хориг арга хэмжээ аваахаар болсон байна. Түүнчлэн Оросын зүгээс Мадурогийн дэглэмд үзүүлж байгаа санхүүгийн дэмжлэгийн судална гэсэн байна. Улмаар Америкийн хоригийг үл тоон Венесуэлд үйл ажиллагаа явуулж байгаа "Роснефть" компанийн эсрэг хориг арга хэмжээ авахыг үгүйсгэхгүй байгаа тухай Эллиотт Абрамс бас мэдээлсэн байна.