​АНУ-ААС ВЕНЕСУЭЛИЙН СӨРӨГ ХҮЧИНД 98 САЯ ДОЛЛАРЫН ТУСЛАМЖ ҮЗҮҮЛЭХЭЭР БОЛЛОО

АНУ –ын Засгийн газар нь Венесуэлийн сөрөг хүчинд дэмжлэг болгон 98 сая долларын өгөхөөр болсон тухай сөрөг хүчний удирдагч Хуан Гуайдогийн хэвлэлийн албанаас гаргасан мэдэгдэлд дурдсан байна. Тус мэдэгдэлд "Ерөнхийлөгч Трампын захиргаа ба түр Ерөнхийлөгч Хуан Гуйадогоор удирдуулсан Венесуэлийн бүгдээр хүлээн зөвшөөрөгдсөн Засгийн газар нь хоёр талт гэрээ байгуулж, энэхүү гэрээний дагуу Николас Мадурогийн хууль бус дэглэмийн бий болгосон хүмүүнлэгийн хямрал ба сүйрэл ба эмх замбараагүй байдалтай хийх тэмцлийн хүрээнд Венесуэлийн эрх чөлөө ба эх орноо сэргээх тэмцэлд зориулан 98 сая долларын тусламж үзүүлэхээр боллоо" гэсэн байна. Энэ мөнгөөр хараат бус мэдээллийн хэрэгслийг дэмжих, иргэний нийгэм дэх хүний эрхийг дэмжих ажиллагаа явуулах юм байна. Гэрээг АНУ-ын олон улсын хөгжлийн агентлаг USAID-ын захирал Марк Грин ба Венесуэлийн сөрөг хүчний АНУ дахь төлөөлөгч Веккью нар байгуулжээ. Ингэснээр АНУ-ын зүгээс Венесуэлийн сөрөг хүчнийг дэмжихэд нийт 568 сая долларын тусламж үзүүлж байгаа юм. НҮБ-ын мэдээгээр Венесуэлийг 4 сая гаруй хүн орхин хил залгаа орнууд руу дүрвэн гарчээ.