​КУРД БОСОГЧИД АМЕРИКИЙГ ''АР НУРУУНД ХУТГА ЗООЛОО'' ГЭЖ БУРУУТГАЖЭЭ

АНУ –ын удирдлага Сирий нутаг дээр Туркийн зүгээс явуулах гэж байгаа байлдааны ажиллагааг дэмжихгүй гэдгээ албан ёсоор мэдэгдээд, ийм ажиллагаа явуулах газрын ойролцоох өөрийн хүчийг холдуулж байгаагаа аравдугаар сарын 7-нд албан ёсоор мэдэгдсэн. Туркийн армийнхан курдууд уламжлал ёсоор олноор амьдардаг бүс нутагт, курд босогчдын эсрэг ажиллагаа явуулахаар зэхэж байгаа нь нууц биш юм. Сири дэх салан курд салан тусгаарлагчид нь Турк улс дахь курд салан тусгаарлагчдын зэвсэгт бүлэглэлүүдтэй нягт холбоотой байдаг. Сири дэх уугуул газар нутгаа тусгаар улс болгохоор тэмцдэг курд үндэстний "Сирийн ардчилсан хүч"(SDF) нэртэй байгууллагаа нь Сири дэх курдууд уламжлал ёсоор амьдардаг нутгаас цэргээ гаргах тухай АНУ-ын шийдвэрийг "ар нуруунд хутга зоосон явдал" гэж буруутгасан тухай "Reuters" агентлаг мэдээлж байна. "SDF" бүлэглэлийн төлөөлөгч нь орон нутгийн ТВ сувагт ярилцлага өгөхдөө "Бүс нутагт Туркийн зүгээс ямар нэг цэргийн ажиллагаа хийлгүүлэхгүй гэж АНУ-ын зүгээс баталгаа өгч байсан. Гэтэл АНУ-ын хийсэн мэдэгдэл нь гэнэтийн зүйл боллоо, үүнийг SDF-ийн ар нуруунд хутга зоосон хэрэг гэж хэлж болох юм" гэжээ. Туркийн Ерөнхийлөгч РежэпТайипЭрдоган нь армиа Сирид ажиллагаа явуулах гэж байгааг мэдэгдээд "Курдын өөрийгөө хамгаалах отряд" (YPG), "Курдистаны ажилчны нам" (PKK) бүлэглэлд АНУ-ын зүгээс дэмжлэг өгч байгааг зүгээр хараад суухгүй гэсэн. Сирид салбан тусгаарлах ажил явуулдаг сирикурдуудын "Ардчилсан холбоо" (PYD), ба "Курдын өөрийгөө хамгаалах отряд" (YPG) бүлэглэлийг алан хядагч гэж тодорхойлдог. Харин хүнд байдалд орсон курд бүлэглэлүүд нь хамгаалалт хүсэн Москвад албан ёсоор хандаад байгаа аж.