​ИХ БРИТАНИД СУГАЛААГААР 170 САЯ ФУНТ ХОЖЖЭЭ

Их Британийн оршин суугч "EuroMillions" сугалаагаар 170 сая фунт хожиж, улсынхаа түүхэн дэх хамгийн том хожил авсан байна. Азтай эр сугалааны таван үндсэн тоог ба "азын од" гэгдсэн хоёр тоог таасан учраас ийм их шагнал хожжээ. Үүнээс өмнө Их Британийн түүхэн дэх хамгийн их шагналыг 2011 онд Шотландад амьдардаг хос хожиж, 161 сая фунт авч байсан аж. "EuroMillions" сугалааны анхны хожигчдыг 2004 оны хоёрдугаар сарын 13-нд Франц, Испани, Их Британи гэсэн гурван оронд анх удаа явуулж байсан. Улмаар 2004 оны аравдугаар сар гэхэд тус сугалаанд Люксембург, Бельги, Швейцар, Португал, Ирланд и Австри гэсэн орнууд нэгдэн орж байсан юм. Тус сугалаагаар хожсон шагналыг Европын холбоонд татвар ногдуулдаггүй, зөвхөн Швейцарт л хожлоос тодорхой хэмжээний шимтгэл авдаг. Сугалааны нэг тасалбар 2,5 еврогийн үнэтэй тул сугалаанд 200 сая хүн тогтмол оролцдог аж.